BASIC (programmeertaal)

BASIC is 'n hoëvlak programmeertaal. Die naam is 'n akroniem wat staan vir Beginners All-purpose Symbolic Instruction Code. Die oorspronklike BASIC is ontwerp in 1963 deur en te om toegang te bied tot programmering aan studente wat nie vertroud was met hierdie wetenskap nie. Rondom hierdie tyd is die gebruik van rekenaars beperk tot wetenskaplikes en wiskundiges omdat dit nodig was om doelgemaakte sagteware te skryf. Die taal het wye aanklank gevind onder die in die 1970's en word toe ook wyd gebruik op tuisrekenaars in die 1980's. BASIC is tot vandag toe nog baie gewild, alhoewel dit voorkom in ietwat ander gedaantes.

Voorbeeld van BASIC

Geskiedenis

Voor die middel van die 1960's was rekenaars verskriklike duur apparate en is hulle slegs gebruik om gespesialiseerde take te verrig. 'n Enkele het slegs een taak uitgevoer te enige een oomblik, die een na die ander. Gedurende die 1960's het die prys van rekenaars begin sak en het hulle spoed ook toegeneem. Met hierdie ekstra verwerkingskrag het dit begin gebeur dat rekenaars nie tot hul volle kapasiteit gebruik kon word nie en het hulle soms gewag om take uit te voer.

Die programmeertale tydens hierdie era is ontwerp om spesifieke take te verrig soos om wetenskaplike formules uit te werk of om besigheidsdata te verwerk tot uiteindelik selfs . Selfs hierdie nuwe, vinniger rekenaars was steeds 'n groot belegging en daar was die neiging om te verseker dat die rekenaar doeltreffend gebruik word. In die algemeen was hierdie gespesialiseerde tale wat gebruik is dus moeilik om te gebruik en was daar ook groot verskille in die van die tale.

Mettertyd het die koste van rekenaars afgeneem tot op 'n punt waar die deel van 'n rekenaar nie meer slegs in die navorsingarena moontlik was nie maar ook kommersieel. Die nuwe rekenaarstelsels het moontlik gemaak deur toe te laat dat verskeie gebruikers toegelaat het om die verwerker en geheue te deel. Binne so omgewing skep die bedryfstelsel die gevoel dat die gebruiker alleen op die rekenaar werk deur te roteer deur elke proses en aan elk uitvoertyd te gee op die rekenaar voor dit na die volgende een oorskakel. Hierdie meganisme het die koste van die rekenaar dramaties laat sak aangesien een rekenaar deur tot honderde mense gebruik kon word.

Die beginjare – die minirekenaar-era

Die oorspronklike BASIC-programmeertaal is in 1963 deur en ontwerp en is deur 'n span studente van Dartmouth geïmplementeer onder hulle wakende oog. Die doel van hierdie nuwe taal was om die kompleksiteit van die beskikbare programmeertale van daardie tyd aan te spreek om sodoende minder tegniese gebruikers, sonder die wiskundige agtergrond van die tradisionele ontwikkelaars, toe te laat om programmatuur te ontwikkel. Die moontlikheid om rekenaars te gebruik in opleiding en navorsing was inderdaad aanloklik. In die daaropvolgende jare het verskeie dialekte van BASIC te voorskyn gekom en het Kemeny and Kurtz se oorspronklike BASIC naderhand bekend gestaan as .

Die agt ontwerpbeginsels van BASIC was:

1. Dit moet maklik wees vir beginners om te verstaan.
2. Dit moet nie fokus op 'n spesifieke taak nie.
3. Om dit moontlik te maak om gevorderde funksies by te voeg vir kenners.
4. Om interaktief te wees.
5. Dit moet vriendelike en insiggewende fout boodskappe vertoon.
6. Dit moet vinnig terugvoering gee vir klein programme.
7. Dit moet nie kennis benodig van rekenaarhardeware nie.
8. Dit moet die gebruiker beskerm teen die bedryfstelsel.

Die taal was gedeeltelik gebaseer op en Algol 60 tesame met tyddeel byvoegings. Die tyddeel glanspunte van ander stelsel soos , CORC, en tot 'n mindere mate , is ook in aanmerking gebring. Dit is voorafgegaan deur ander leertaal eksperimente by Dartmouth soos DARSIMCO (1956) en DOPE (1062). DOPE was 'n implementasie van SAP en 'n vereenvoudigde FORTRAN II byname DART (1963). Aanvanklik het BASIC hom toegespits op die steun van wiskundige werk en het in 1965 string funksionaliteit bygekry. BASIC is vir die eerste keer geïmplementeer op die wat meervoudige terminale gesteun het. Wat sommige mense sal verbaas is dat BASIC aanvanklik 'n vertaalde taal was. Dit was ook 'n baie doeltreffende taal wat FORTRAN II en ALGOL 60 op verskeie wiskundig intensiewe verwerkings geklop het op die GE-265.

Die ontwerpers van hierdie nuwe taal het besluit om die vertaler gratis beskikbaar te stel om wye blootstelling te bewerkstellig. Hulle het verder dit ook beskikbaar gestel aan verskeie hoërskole in die Dartmouth-omgewing en het baie moeite gedoen om die taal te bevorder. Die resultaat hiervan was dat BASIC taamlik bekend geraak het (vir 'n rekenaartaal) en dat BASIC toe deur 'n aantal vervaardigers geïmplementeer is waar dit populêr geword het op die nuwer soos die en die . BASIC was ook sentraal tot die ontwikkeling van van die laat 1960's en vroeë 1970's wat beskikbaar was as 'n geïnterpreteerde taal eerder as, of bykomend tot, 'n vertaler.

Etlike jare na die vrystelling van BASIC het verskeie rekenaarkundiges hulle misnoëe met die taal uitgespreek. Die gebruik van die stelling het volgens hulle gelei tot swak ontwikkelingsbeginsels. Sekeres het ook al BASIC bespot as te stadig (meeste geïnterpreteerde weergawes is wel heelwat stadiger as hul vertaalde ewekniëe) of te eenvoudig aangesien baie weergawes (veral die gemik op klein rekenaars) belangrike glanspunte en funksies uitgelaat het.

Wye aanvaarding – die tuisrekenaar-era

Nieteenstaande die wye gebruik van BASIC op die minirekenaar was dit die bekendstelling van die in 1975 wat die weg gebaan het tot die universaliteit van BASIC. Die meeste rekenaartale het meer geheue en/of skyfspasie benodig as wat die klein rekenaars, wat die algemene man op straat kon bekostig, beskikbaar gehad het. Die stadige toegang tot geheue wat bande toegelaat het tesame met 'n tekort aan bevoegde teksredigeerders het BASIC, wat hierdie tekortkominge bevredig het, 'n aanloklike opsie gemaak. Nog 'n voordeel was dat dit bekend was aan die jong ontwikkelaars wat 'n belangstelling in programmering getoon het. Kemeny en Kurtz se bekeerdery het in hierdie verband die taal goed bekend gestel. Een van die eerste weergawes van die taal wat op die rekenaars soos die Altair verskyn het was wat 'n heel eenvoudige implementasie was en geskryf is deur Dr. wat toe later na die Altair oorgedra is deur Dennis Allison op versoek van (wat toe ook later geskep het). Die Tiny BASIC ontwerp tesame met die volledige bronkode is in 1976 op Dr. Dobbs Journal gepubliseer.

MITS het in 1975 vrygestel. Dit is ontwikkel deur Bill Gates en Paul Allen onder die toe vaandel. Die eerste Altair weergawe is deur Gates, Allen en ontwikkel. Gelisensieerde weergawes van het kort daarna op verskeie platforms hulle buiging gemaak. Miljoene kopieë en variante was blitsig in gebruik en dit het een van die standaard tale op die geword. Teen 1979 was Microsoft in gesprekke met verskeie hardewareverskaffers, onder ander IBM, om gelisensieerde weergawe van die BASIC-interpreteerder op hul rekenaars te versprei. 'n Weergawe is toe ingesluit in die IBM PC (Leesalleengeheue) skyfies en rekenaars sonder slapskywe het outomaties in BASIC in selfgelaai net soos talle ander mikrorekenaars.

Deur nuwe maatskappye wat die sukses van MITS, , en Apple probeer naboots het, is die gevestig. In die tussentyd het BASIC 'n algemene glanspunt van bykans elke tuisrekenaar geword. Die meerderheid is toegerus met 'n BASIC-interpreteerder wat gestoor is in en het sodoende die duur hardeskyfprobleem opgelos. Nie lank nie of daar was miljoene tuisrekenaars wat toegerus was met BASIC reg rondom die wêreld en dit was moontlik meer as al die gebruikers van al die ander beskikbare tale saam. Daar is meer dialekte van BASIC as wat bestaan vir enige ander rekenaartaal.

Die BBC het hul eie weergawe laat ontwikkel deur en dit het as bekend gestaan. Dit het verskeie nuwe sleutelwoorde bevat wat gebruik is om die struktuur van die program te beheer asook omvattende en veelsydige toegang tot die bedryfstelsel. Dit het ook 'n ten volle geïntegreerde bevat. BBC BASIC is hoog geag en het die oorgang gemaak vanaf die oorspronklike rekenaar tot meer as 30 ander platforms.

Gedurende hierdie groeiperiode is daar verskeie tydskrifte, soos , gepubliseer wat gemik was op BASIC en het by tye die volledige bronkode bevat vir spelletjies, nuts- en ander programme. Aangesien BASIC relatief eenvoudig was het die gebruikers maklik die bronkode sommer gou ingetik en die program uitgevoer. Verskeie tydskrifte is gepubliseer wat hul toegespits het op spesifieke rekenaars en dus programme vir daardie weergawes van BASIC alhoewel daar by tye programme voorgekom het wat so universeel was dat dit in bykans enige rekenaar wat BASIC gebruik het. ingevoer kon word. Verskeie boeke het ook te voorskyn gekom.

Volwassenheid – die persoonlikerekenaar-era

Heelwat nuwe weergawes van BASIC is ontwikkel gedurende hierdie periode. Microsoft het ook verskeie weergawes verkoop vir MS-DOS en wat ingesluit het , en . , wat ook geskep het, het op hul beurt 1.0 in 1985 vrygestel en die nuwer weergawes word steeds versprei deur Borland onder die handelsnaam.

Hierdie nuwe tale het verskeie verbeterings bevat soos beter stringmanipulasie en grafiese steun, toegang tot die lêerstelsel asook addisionele . Meer belangrik was die fasiliteite vir gestruktureerde programmering wat bykomende beheerstrukture en behoorlike subroetines, wat plaaslike veranderlikes kon bevat, ingesluit het.

Teen die einde van die 1980's was nuwer rekenaars meer opgewasse en het hulle heelwat meer hulpbronne gehad. Terselfdertyd het persoonlike rekenaars hul opgang gemaak vanaf 'n stokperdjie tot gereedskap wat gebruik is om programme uit te voer wat deur andere ontwikkel is. BASIC moes toe maar die knie buig en het minder belangrik geword. Ten spyte hiervan het verskeie weergawes beskikbaar gebly en word Compiled BASIC (of CBASIC) tot vandag toe nog op verskeie IBM 4690 OS gebruik.

BASIC het weer na vore getree met die bekendstelling van deur Microsoft. Dit is moeilik om Visual Basic as BASIC te beskou aangesien die taal nou objekgeörienteerd was en gebruik gemaak het van gebeurtenisgedrewe programmering. Die enigste ooreenkoms met die ouer BASIC-taal was die bekende sintaks. Die sintaks het ook nie meer die taal ten volle definieer nie aangesien verskeie elemente soos knoppies en invoerelemente as objekte gedefinieer is om hergebruik te bevorder. Hierdie elemente hoef in meeste gevalle nie eens in dieselfde taal as dié waarin dit gebruik word, geskryf te wees nie. Terwyl mens hierdie verwikkelinge kan beskou as 'n evolusie van die taal het min van die unieke eienskappe van die Dartmouth BASIC voortbestaan. Voorbeelde hiervan is die lynnommers en die INPUT sleutelwoord. INPUT is wel nog te vinde in Visual Basic maar word nou vir lêermanipulasie gebruik terwyl INPUTBOX vir direkte gebruikerinvoere gebruik kan word. Lynnommers kan opsioneel gebruik word in alle vorms van VB, selfs VB.NET alhoewel daar beperkings is op hierdie gebruik in sekere dele.

Gegewe die oorsprong van BASIC as 'n taal vir "beginners" en blykbaar selfs vir diegene by Microsoft wat Visual Basic (of VB) beskou as 'n taal wat gebruik word as 'n stokperdjie is dit ironies dat vanaf VB se weergawe 3.0 (wat beskou kan word as die eerste stabiele weergawe) dit wyd gebruik is vir die ontwikkeling van klein besigheidstoepassings. Alhoewel meer gesofistikeerde programmeerders neergekyk op VB, het die taal die vereistes bevredig in gevalle waar besigheidstoepassings die maklike ontwikkeling verkies het bo verwerkingspoed. Rondom hierdie tydstip van Windows 3.1 was rekenaars reeds so kragtig dat besigheidsprosesse in 'n oogwink afgehandel kon word al het mens 'n "stadige" taal gebruik solank daar nie massas data betrokke was nie. Baie klein besigheidseienaars het gevind dat hulle vir hulself 'n oplossing kon skryf binne 'n paar aande om hul spesifieke benodigdhede te bevredig. VB 3.0 het 'n relatiewe lang lewe geniet en het sodoende 'n bemarkbare vaardigheid geword.

Notas

1. In 'n 1968 brief het die Nederlandse rekenaarwetenskaplike Edsger Dijkstra rekenaartale wat gebruik gemaak het van stellings om programme te struktureer beskou as nadelig vir die produktiwiteit van die programmeerder asook vir die kwaliteit van die kode ("Go To Statement Considered Harmful" Geargiveer 3 Julie 2007 op Wayback Machine, Communications of the ACM Volume 11, 147-148. 1968). Die brief het nie melding gemaak van enige spesifieke taal nie maar het wel genoem dat die oorbenutting van GOTO nadelig is en daar is tegniese redes aangevoer waarom dit so is. In 'n skertsende 1975 artikel, "How do We Tell Truths that Might Hurt", Sigplan Notices Volume 17 No. 5, gee Dijkstra 'n lys ongemaklike "waarhede" wat sy opinie oor verskeie tale van die tyd weergee, onder andere BASIC. Alhoewel GOTO baie na aan BASIC verbonde is word BASIC geensins in 'n swakker lig gestel as , COBOL of nie.

Verwysings

• Hierdie artikel is aanvanklik saamgestel deur die Engelse weergawe van Wikipedia te gebruik as 'n beginpunt.