Die Groot Hongaarse Laagvlakte Hongaars Nagy Alföld Slowaaks Veľká dunajská kotlina is n plat landskap wat deel uitmaak

Die Groot Hongaarse Laagvlakte (Hongaars: (Nagy-)Alföld; Slowaaks: Veľká dunajská kotlina) is 'n plat landskap wat deel uitmaak van die Pannoniese Laagvlakte en oor Oos-Hongarye asook dele van Roemenië, Serwië, Kroasië, Slowakye (hier Oos-Slowaakse Laagvlakte genoem) en Oekraïne ("Transkarpatiese Laagland") strek. Dit vorm die mees westelike deel van die Eurasiese Steppegordel met sy kenmerkende plantegroei.

Die Groot Hongaarse Laagvlakte as deel van die Pannoniese Laagvlakte

Die Groot Hongaarse Laagvlakte beslaan die grootste deel van Oos-Hongarye

Tradisionele waterputte maak deel uit van die laagvlakte se landskapsbeeld

Die landskap word begrens deur die Donau in die weste, die Karpateboog in die noorde en ooste en die Balkangebergte in die suide. Die belangrikste riviere, wat deur die laagvlakte vloei, is Theiß en Donau, met groter syriviere soos Maros en Körös asook twee hoofkanale van die Theißrivier, die Keleti- en Nyugati-kanale.