Kaliforniese Kanaaleilande

Die Kaliforniese Kanaaleilande is 'n groep van agt eilande in die Stille Oseaan ongeveer 257 km vanaf die kus van Suid-Kalifornië. Van noord na suid staan die eilande bekend as:

• San Migual
• Santa Rosa
• Santa Cruz
• Anacapa ('n groep klein eilandjies)
• Santa Barbara
• Santa Catalina
• San Nicolas
• San Clemente

Kaliforniese Kanaaleilande Inheemse naam: Channel Islands
Satellietbeeld van die Kanaaleilande
Geografie
Ligging	Stille Oseaan
Koördinate	34°01′N 119°48′W / 34.017°N 119.800°W / 34.017; -119.800
Totale eilande	8
Oppervlakte	908,8 vk km
Hoogste punt	Devils Peak, Santa Cruz-eiland 740,4 m
Administrasie
Verenigde State
Deelstaat	Kalifornië
Demografie
Bevolking	3 703

Die vier noordelike Kanaaleilande vorm 'n ketting wat die Santa Barbarakanaal in die suide begrens. Die eiland Santa Catalina is bekend vir sy diepsee-hengel.

Ekosisteem

Die unieke kombinasie van geografiese formasies, windpatrone en waterstromings het 'n veelsydige en buitengewoon produktiewe ekostelsel in die Santa Barbarakanaal laat ontstaan. Naby Point Conception op die vasteland draai die koue Kaliforniastroom, wat in noord-suidelike rigting vloei, suidwes, terwyl die warm Suid-Kaliforniese Teenstroom (Southern California Countercurrent) noordwaarts nader by die kuslyn vloei.

Dié sirkulasiepatroon van Stille Oseaanstrome en die gepaardgaande verandering in watertemperature maak van die gebied 'n oorgangsone waar sowel seespesies van die noordelike asook die suidelike oseaan aangetref word.

Verwysings

1. Collier's Encyclopedia, Crowell-Collier Educational Corporation, Volume 20, bl. 413
2. California Coastal Commission: California Coastal Resource Guide. Berkeley | Los Angeles | London: University of California Press 1987, bl. 259