Mthatha voorheen Umtata gespel die destydse hoofstad van die Transkei is tans die setel van die Koning Sabata Dalindyebo

Mthatha (voorheen Umtata gespel, die destydse hoofstad van die Transkei) is tans die setel van die Koning Sabata Dalindyebo Plaaslike Munisipaliteit in die Oos-Kaapprovinsie van Suid-Afrika. Die dorp het 'n lughawe, voorheen bekend as K. D. Matanzima-lughawe, genoem na die eertydse Transkeise leier Kaiser Matanzima. Die N2 nasionale pad tussen Durban, Oos-Londen en Kaapstad deurkruis Mthatha.

Mthatha (Umtata)
Stad
Die Nelson Mandela-museum in Mthatha
Mthatha Mthatha se ligging in Oos-Kaap
Koördinate: 31°34′S 28°46′O / 31.567°S 28.767°O / -31.567; 28.767
Land	Suid-Afrika
Provinsie	Oos-Kaap
Distrik	O.R. Tambo
Munisipaliteit	Koning Sabata Dalindyebo
Stigting	1876
Oppervlak
• Totaal	54,97 km² (21,22 vk. myl)
Hoogte	694 m (2 277 ft)
Bevolking (2011)
• Totaal	96 114
• Digtheid	1 748/km² (4 530/vk. myl)
Rasverdeling (2011)
• Wit mense	1.0%
• Indiërs/Asiërs	1.2%
• Bruin mense	2.7%
• Swart mense	94.6%
• Ander	0.5%
Taal (2011)
• Xhosa	85.0%
• Engels	8.6%
• Afrikaans	1.1%
• Gebaretaal	0.9%
• Ander	4.4%
Poskode (strate)	5080
Poskode (posbusse)	5080
Skakelkode	047

'n Spoorlyn verbind die dorp sedert 1916 met Oos-Londen.

Die Mthathadam is ongeveer 8 kilometer stroomop van die dorp gebou.

Geskiedenis

Panoramiese uitsig deur Caesar Henkel oor Mthatha in 1913 met die Mthatharivier op die voorgrond en die Drakensberge op die agtergrond.

Die dorp het ontstaan om 'n buffersone te vorm, aangesien daar destyds groot onmin tussen die Pondo- en Temboestamme was. In 1875 is 'n magistraatkantoor geopen met JF Boyes as die eerste magistraat. Die dorp is in 1879 ontwikkel op die oewers van die Mthatharivier en het drie jaar later munisipale status verkry. Dit was 'n militêre kamp vir die Britse koloniale magte rondom 1882.

Mthatha word later die administratiewe hoofstad van die area en huisves beide die Anglikaanse en Rooms-Katolieke Kerk se katedrale. Dit word die setel van tradisionele owerhede tussen 1965 en 1970's en 'n nuwe parlementsgebou vir die Transkei word gebou, tot vandag toe bekend as die Bunga.

'n Tak van die Universiteit van Fort Hare is destyds op die dorp geopen en na onafhanklikheid van die Transkei in 1977 word dit die Universiteit van Transkei, wat sedertdien saamgesmelt het as die Walter Sisulu-universiteit vir Wetenskap en Tegnologie.

Distrik

Die distrik van 1 770 km² is geskik vir vee- en skaapboerdery en graanverbouing.

Sien ook

Gereformeerde kerk Transkei
Lys van dorpe in Suid-Afrika
NG gemeente Mthatha

Verwysings

"Hoofplek Mthatha". Sensus 2011.
"Old Place Names, webargief besoek op 2016-02-22". Geargiveer vanaf die oorspronklike op 6 Februarie 2010. Besoek op 6 Februarie 2010.
"K D Matanzima Airport". Geargiveer vanaf die oorspronklike op 29 September 2007. Besoek op 31 Maart 2012.
Fatoki, OS, Muyima, NYO and Lujiza, M (2001). "Situation analysis of water quality in the Umtata River catchment" (PDF). Water SA. 27 (4). Geargiveer vanaf die oorspronklike (PDF) op 27 September 2007. Besoek op 31 Maart 2012. {{cite journal}}: Onbekende parameter |month= geïgnoreer ((hulp))AS1-onderhoud: meer as een naam (link)

[census2011-1] "Hoofplek Mthatha". Sensus 2011.

[2] "Old Place Names, webargief besoek op 2016-02-22". Geargiveer vanaf die oorspronklike op 6 Februarie 2010. Besoek op 6 Februarie 2010.

[3] "K D Matanzima Airport". Geargiveer vanaf die oorspronklike op 29 September 2007. Besoek op 31 Maart 2012.

[4] Fatoki, OS, Muyima, NYO and Lujiza, M (2001). "Situation analysis of water quality in the Umtata River catchment" (PDF). Water SA. 27 (4). Geargiveer vanaf die oorspronklike (PDF) op 27 September 2007. Besoek op 31 Maart 2012. {{cite journal}}: Onbekende parameter |month= geïgnoreer ((hulp))AS1-onderhoud: meer as een naam (link)