Springfontein

Springfontein is 'n landboudorp in die suide van die Vrystaat, in Suid-Afrika, naby die Gariepdam. Die N1 nasionale pad gaan langs die dorp verby.

Springfontein
Die NG kerk Springfontein
Springfontein  Springfontein se ligging in Vrystaat
Koördinate: 30°15′14″S 25°42′14″O / 30.25389°S 25.70389°O / -30.25389; 25.70389
Land	Suid-Afrika
Provinsie	Vrystaat
Distrik	Xhariep
Munisipaliteit	Kopanong
Stigting	1904
Oppervlak
• Totaal	16,5 km^2 (6,4 vk. myl)
Hoogte	1 515 m (4 970 ft)
Bevolking  (2011)
• Totaal	3 699
• Digtheid	224/km^2 (580/vk. myl)
Rasverdeling (2011)
• Wit mense	3.1%
• Indiërs/Asiërs	0.5%
• Bruin mense	21.1%
• Swart mense	75.1%
• Ander	0.1%
Taal (2011)
• Xhosa	41.5%
• Afrikaans	28.9%
• Sotho	22.8%
• Tswana	3.1%
• Ander	3.8%
Skakelkode	051

Geskiedenis

Die dorp ontleen sy naam aan 'n sterk artesiese fontein op die plaas Springfontein. Hartleydale, 'n deel van die hierdie plaas is in 1904 as die standplaas vir die nuwe dorp verkies. Munisipale status is in 1912 toegeken.

Anglo-Boereoorlog

Gedurende die Tweede Vryheidsoorlog het die Britte 'n konsentrasiekamp hier bedryf. 704 vroue en kinders sterf hier hoofsaaklik van die strawwe winter van 1901. Hulle grafte kan gesien word in die konsentrasiekamp se begraafplaas. Gedurende die oorlog het Emily Hobhouse die kamp besoek om ondersoek in te stel oor omstandighede in kampe.

Distrik

Springfontein is 'n belangrike spoorwegaansluiting. Die hooftrajekte van Port Elizabeth en Oos-Londen na Gauteng kom hier bymekaar. Daar is ook 'n lyn wes via Jagersfontein en Fauresmith na die diamantdorp Koffiefontein. Gemengde boerdery (skape, beeste en mielies) word in die distrik beoefen.

Sien ook

• NG gemeente Springfontein
• Lys van dorpe in Suid-Afrika

Bron

• B.P.J. Erasmus. Op Pad in Suid-Afrika. 1995. ISBN 1-86842-026-4

Verwysings

1. Som van die hoofplekke Springfontein en Maphodi Sensus 2011.
2. Raper, Peter E. (1987). Dictionary of Southern African Place Names. Internet Archive. p. 413. Besoek op 28 Augustus 2016.