UMgungundlovu

uMgungundlovu (ook bekend as Dingaanstat) was die koninklike hoofstad van Zoeloekoning Dingaan (1828–1840) en een van verskeie militêre komplekse (amakhanda) wat hy opgebou het. Hy het sy koninklike kraal in 1829 in die eMakhosini-vallei teen Leeukop (Singonyama), net suid van die Wit-Umfoloziriver opgerig.

Die herboude isigodlo (koninklike kamp) by uMgungundlovu.

uMgun-gundlovu

Ligging van Dingaan se kraal, uMgungundlovu

Die naam uMgungundlovu is afgelei van die Zoeloe-frase "ungungu we ndlovu", wat "die geheime konklaaf van die olifant" beteken. Sommige bronne verwys ook na uMgungundlovu as "die plek van die olifant". Die woord indlovu (olifant) verwys na die koning van die Zoeloes.

Beskrywing

In 1828 vermoor Dingaan sy half-broer, Shaka, en word so die koning van die Zoeloes. Hy stig sy koninklike kraal (of hoofstad) in 1829 by uMgungundlovu. Dit was ook een van sy militêre komplekse (amakhanda). Die kraal is in die eMakhosini-vallei, net suid van die Wit-Umfoloziriver, op die hellings van Leeukop geleë. Dit lê tussen twee strome, die Umkhumbane na die suide en Nzololo na die noorde.

Heuwel van Teregstelling

Monument wat Retief en sy afvaardiging gedenk

KwaMatiwane (die sogenaamde Heuwel van Teregstelling) is die rant noord-oos van Umgungundlovu. Dit is na stamhoof vernoem. In 1829 het Dingaan hom en al sy volgelinge tereggestel nadat hy teen sy bewind gedraai het.

Later, op 6 Februarie 1838, was dit ook die plek waar Dingaan opdrag vir die moord op Voortrekkerleier Piet Retief en sy geselskap gegee het.

Na die Slag van Bloedrivier op 16 Desember 1838 het Dingaan uMgungundlovu afgebrand.

Verwysings

1. Adrian Koopman: The Place of the Elephants?; Geskiedenis van Pietermaritzburg op www.pmbhistory.co.za Geargiveer 19 Februarie 2014 op Wayback Machine, besoek io 21 Desember 2014
2. Inligting oor Dingaan op sahistory.org.za, besoek op 22 Desember 2014

28°26′9.23″S 31°16′3.35″E / 28.4358972°S 31.2675972°O / -28.4358972; 31.2675972