Suid-Afrikaanse Inkomstediens

Die Suid-Afrikaanse Inkomstediens (SAID), ook bekend as SARS, is 'n administratief onafhanklike staatsinstelling wat verantwoordelik is vir die invordering van staatsinkomste uit belasting en heffings, asook om die nakoming van die verskillende belastingwette af te dwing. Die organisasie het op 1 Oktober 1997 ontstaan met die inwerkingtreding van die Wet op die Suid-Afrikaanse Inkomstediens (Wet 34 van 1997). Die organisasie se voorgangers was die staatsdepartemente Binnelandse Inkomste en Doeane en Aksyns, asook die 10 belastingadministrasies van die voormalige onafhanklike tuislande en selfbesturende gebiede.

Die SAID-embleem.

Die belastingraamwerk en die verskillende belastingwette is die verantwoordelikheid van die Nasionale Tesourie. Die relevante wetgewing, met die belastings en heffings wat die SAID moet invorder, sluit in:

• Inkomstebelastingwet, no 58 van 1962
  • Inkomstebelasting
  • Belasting op geskenke
  • Belasting op kapitaalwins
  • Sekondêre belasting op maatskappye

• Wet op Belasting op Toegevoegde Waarde, no 89 van 1991
  • Belasting op toegevoegde waarde

• Wet op Hereregte, no 40 van 1949
  • Hereregte

• Wet op Seëlregte, no 77 van 1968
  • Seëlregte

• Wet op Belasting op Sertifikaatlose Aandele, 1998
  • Belasting op sertifikaatlose aandele

• Boedelbelastingwet, no 45 van 1955
  • Boedelbelasting

• Wet op Doeane en Aksyns, 1964
  • Doeaneheffings
  • Aksynsbelasting
  • Lugpassasiersbelasting

• Wet op Belasting op Uittreefondse, no 38 van 1996
  • Belasting op uittreefondse

Verder vorder die SAID ook streeksdiensteraadheffings, vaardigheidsontwikkelingsheffings en bydraes tot die namens die betrokke instansies in.

Die organisasie se hoof is die Kommissaris van die Suid-Afrikaanse Inkomstediens, bygestaan deur 'n uitvoerende komitee. Die organisasie het ongeveer 14 000 werknemers (status Maart 2006).

Eksterne skakels

• Amptelike webwerf

Verwysings

1. SAID jaarverslag 2005/06