Saalpunt

'n Saalpunt is 'n wiskundige begrip waarmee 'n interpretasie van 'n buigpunt gegee word. Die intuïtiewe idee waaraan mens dink van 'n punt op die saal van 'n perd kry hiermee 'n wiskundige betekenis. Saalpunte is punte in drie-dimensionele ruimte, gedefinieer op die geboë oppervlak van die grafiek van 'n funksie met twee veranderlikes, waar die funksie 'n maksimum in die een rigting en 'n minimum in die ander rigting bereik.

'n Saalpunt op die oppervlak van x^2 - y^2 = z

Op 'n saalpunt kan daar twee geboë lyne op die oppervlak van die grafiek gevind word wat slegs daarop kruis en só oor die oppervlak loop dat die een 'n minimum in die saalpunt bereik en die ander 'n maksimum.

Wanneer 'n saalpunt grafies getoon word, lyk dit soos 'n saal. In die berge kom saalpunte voor as bergpasse.

Bronne

• Gray, Lawrence F.; Flanigan, Francis J.; Kazdan, Jerry L.; Frank, David H.; Fristedt, Bert (1990), Calculus two: linear and nonlinear functions, Berlyn: Springer-Verlag, p. 375, ISBN 0-387-97388-5, https://archive.org/details/calculustwolinea00flan/page/375 

• Hilbert, David; Cohn-Vossen, Stephan (1952), Geometry and the Imagination (2nd ed.), New York, NY: Chelsea, ISBN 978-0-8284-1087-8 

• Von Petersdorff, Tobias (2006), "Critical Points of Autonomous Systems", Differential Equations for Scientists and Engineers (Math 246 lecture notes), http://www2.math.umd.edu/~petersd/246/stab.html 

• Widder, D. V. (1989), Advanced calculus, New York, NY: Dover Publications, p. 128, ISBN 0-486-66103-2