Río de la Plata

Die Río de la Plata (Spaans: [ˈri.o ðe la ˈplata], letterlik "Silwerrivier") is 'n estuarium (breë riviermonding) waar die Río Paraná en Río Uruguay in die Atlantiese Oseaan vloei. Dit vorm die karakteristieke suidoostelike inkeping in die Suid-Amerikaanse kuslyn. Die monding is in totaal 290 kilometer lank. Waar die twee riviere ontmoet, is die rivier 48 kilometer breed; by die oseaan neem dit tot 220 kilometer toe, wat die Río de la Plata die breedste rivier ter wêreld maak.

Río de la Plata
Nasa-Satellietbeeld van die Río de la Plata. Links bo is Montevideo, Uruguay en regs onderkant is Buenos Aires, Argentinië. Nasa-Satellietbeeld van die Río de la Plata. Links bo is Montevideo, Uruguay en regs onderkant is Buenos Aires, Argentinië.
Kaart van die Río de la Plata.
Oorsprong	Saamvloei van Río Paraná en Río Uruguay naby Buenos Aires, Argentinië
Monding	Argentynse Meer, Argentinië en Uruguay (Atlantiese Oseaan)
Stroomgebied	Argentinië en Uruguay
Lengte	290 km (180 myl)
Oorspronghoogte	0 m (0 voet)
Mondinghoogte	0 m (0 voet)
Gemiddelde afloop	22 000 m³/s (777 000 ft³/s)
Stroomgebiedopp.	3 170 000 km² (1 224 000 myl²)
Kaart van die Río de la Plata-bekken in Suid-Amerika.

Die Spaanse seevaarder, Juan Díaz de Solís, was die eerste Europeër wat die Río de la Plata besoek het. Hy het dit teëgekom toe hy van die Brasiliaanse kus na die suide gevaar het. Hy het gedag dis 'n seearm waarvan die water op onverklaarbare manier soet was. Hy noem dié see Mar Dulce ("die Soete See"). Omdat sy karvele vlak bodems gehad het, kon hy die rivier opvaar.

Die estuarium vorm gedeeltelik die natuurlike grens tussen Argentinië en Uruguay. Die hoofstad van Argentinië, Buenos Aires, en dié van Uruguay, Montevideo, lê aan die Río de la Plata. Die eiland Martín García voor die kus van Uruguay is Argentyns.

In die Tweede Wêreldoorlog is die Duitse dwergslagskip die Admiral Graf Spee hier deur sy bemanning gekelder omdat geglo is dat hulle deur 'n oormag oorweldig sou word en die geveg nie sou kon wen nie.

Sien ook

• Slag van die Rio de la Plata

Verwysings

1. "Río de la Plata" (in Engels). Encyclopædia Britannica. Geargiveer vanaf die oorspronklike op 9 Mei 2015. Besoek op 17 Mei 2015.
2. (en) Raúl A. Guerrero (Junie 1997). "Physical oceanography of the Río de la Plata Estuary, Argentina". Continental Shelf Research. 17 (7): 727–742. doi:10.1016/S0278-4343(96)00061-1.
3. Fossati, Monica; Ismael Piedra-Cueva. "Salinity Simulations of the Rio de la Plata" (PDF) (in Engels). International Conference on Estuaries and Coasts. Geargiveer vanaf die oorspronklike (PDF) op 6 Maart 2012. Besoek op 17 Mei 2015.

Eksterne skakels

• Wikimedia Commons het meer media in die kategorie Río de la Plata.

34°30′0″S 58°10′0″W / 34.50000°S 58.16667°W / -34.50000; -58.16667