Altaïese tale

Altaïes is ’n voorgestelde taalfamilie van Sentraal-Eurasië. Verskeie weergawes sluit in die Turkse, Mongoolse, Toengoesiese, Japannese taalgroep, Koreaans asook soms nog Ainoe. Dié tale word gepraat in ’n groot gebied van Noordoos-Asië deur Sentraal-Asië tot Anatolië en Oos-Europa. Die groep is genoem na die , ’n bergreeks in Sentraal-Asië.

Altaïese tale
Geografiese verspreiding:	Oos-, Noord-, Sentraal- en Wes-Asië; Oos-Europa
Genetiese klassifikasie:	Voorgestelde groot taalfamilie  Altaïese tale
Onderafdelings:	Volgende taalgroepe: Turks Mongools Toengoesies Koreaans (gewoonlik ingesluit) Japannees (gewoonlik ingesluit) Ainoe (soms ingesluit)
Turkse tale    Mongoolse tale    Toengoesiese tale    Koreaanse tale?    Japannese tale?    Ainoe?

Verspreiding van Altaïese, Turkse en Oeraalse tale

Stamboom van Altaïese tale

Die Altaïese familie deel talle eienskappe. ’n Meningsverskil bestaan egter oor die oorsprong van die ooreenkomste. Die "Altaiïste" glo die rede daarvoor is dat die tale ’n gemeenskaplike oorsprong het en afstam van ’n proto-Altaïese taal wat duisende jare gelede gepraat is. Die "anti-Altaiïste" glo die ooreenkomste is vanweë taalkontak tussen die verskillende taalgroepe.

Sommige geleerdes beskou die groep as ’n geldige taalfamilie, maar sluit net die Turkse, Mongoolse en Toengoesiese taalgroep in. Dié mening was algemeen voor die 1960's, maar het feitlik geen aanhangers meer nie. Die uitgebreide groepering sluit die Koreaanse en Japannese taalgroepe in en word deur die meeste ondersteuners van Altaïes voorgestaan.

Die kleiner groepering sluit sowat 66 moderne tale in, en die Koreaanse en Japannese taalgroep voeg nog agt tale daarby vir ’n totaal van 74. Dit verskil na aanleiding van wat as ’n taal of dialek beskou word.

Die taalfamilie sluit nie vroeëre stadiums van tale soos Middel-Mongools of Oud-Japannees in nie.

Verwysings

1. Georg et al. 1999: 73–74
2. "Interactive Maps The Altaic Family from The Tower of Babel" (in Engels). Starling.rinet.ru. Geargiveer vanaf die oorspronklike op 7 Februarie 2019. Besoek op 25 November 2018.
3. "The Altaic family controversy – Languages Of The World". Languages Of The World (in Engels). 16 Februarie 2011. Geargiveer vanaf die oorspronklike op 26 Augustus 2019. Besoek op 25 November 2018.
4. Georg et al. 1999: 73–74
5. Stratification in the peopling of China: how far does the linguistic evidence match genetics and archaeology? In; Sanchez-Mazas, Blench, Ross, Lin & Pejros eds. Human migrations in continental East Asia and Taiwan: genetic, linguistic and archaeological evidence. 2008. Taylor & Francis.
6. "Browse by Language Family". Ethnologue. Geargiveer vanaf die oorspronklike op 6 Januarie 2013. Besoek op 1 Februarie 2015.

Verdere leesstof

• (en) Miller, Roy Andrew. 1996. Languages and History: Japanese, Korean and Altaic. Oslo: Institute for Comparative Research in Human Culture. ISBN 974-8299-69-4.
• (en) Starostin, Sergei A., Anna V. Dybo, and Oleg A. Mudrak. 2003. Etymological Dictionary of the Altaic Languages, 3 volumes. Leiden: Brill Academic Publishers. ISBN 90-04-13153-1.

Eksterne skakels

• (en) "Altaic languages". Encyclopædia Britannica. Besoek op 25 November 2018.
• Wikimedia Commons het meer media in die kategorie Altaïese tale.
• Hierdie artikel is vertaal uit die Engelse Wikipedia