Rietfontein is n dorp in die Noord Kaap en n grenspos tussen Suid Afrika en Namibië Hier is ook n sendingstasie van die

Rietfontein is 'n dorp in die Noord-Kaap en 'n grenspos tussen Suid-Afrika en Namibië. Hier is ook 'n sendingstasie van die NG Kerk. Die grenspos is daagliks oop van 08:00 tot 16:30. Daar is verskeie panne in die omgewing, soos Hakskeenpan, Uitsakpan en Koppieskraalpan.

Rietfontein
Rietfontein Rietfontein se ligging in Noord-Kaap
Koördinate: 26°44′0″S 20°2′0″O / 26.73333°S 20.03333°O / -26.73333; 20.03333
Land	Suid-Afrika
Provinsie	Noord-Kaap
Distrik	ZF Mgcawu
Munisipaliteit	Dawid Kruiper
Oppervlak
• Totaal	1,80 km² (0,69 vk. myl)
Bevolking (2011)
• Totaal	2 293
• Digtheid	1 274/km² (3 300/vk. myl)
Rasverdeling (2011)
• Wit mense	0.5%%
• Indiërs/Asiërs	1.0%
• Bruin mense	92.5%
• Swart mense	5.6%
• Ander	0.3%%
Taal (2011)
• Afrikaans	95.5%
• Gebaretaal	1.4%
• Tswana	1.0%
• Engels	1.0%
• Ander	1.1%

Die sendingstasie Rietfontein, wat in Khoikhoi bekendstaan as Aakaap, is in 1801 deur William Anderson (1769–1852) en Johannes Jacobus Kicherer (1775–1825) van die Londense Sendinggenootskap gestig. Rietfontein is 'n vertaling van die Khoikhoi-naam, wat bestaan uit a (riet) en /ab (poel of fontein).

Trivia

Elsie Vaalbooi, 'n lid van die ǂKhomani (Nǁnǂe) San of Boesmans en van die laaste sprekers van die Nǁng taal het hier grootgeword.

Sien ook

Grensposte van Suid-Afrika
Lys van dorpe in Suid-Afrika

Bronne

Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
(en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.

Verwysings

"Hoofplek Rietfontein". Sensus 2011.

[census2011-1] "Hoofplek Rietfontein". Sensus 2011.