Kompanjiestuin

Die Kompanjiestuin in die sentrum van Kaapstad is die oudste openbare tuin in Suid-Afrika. Dit is amptelik in 1652 deur Hollandse settelaars gestig met die doel om voedsel te lewer, maar is 160 jaar gelede aan die publiek vir vrye besoek oopgestel. Bykomend tot die rusbanke onder die reuse bome, sluit die Kompanjiestuin se besienswaardige bates verskeie histories en botanies waardevolle bome, 'n roostuin, 'n kruietuin, 'n visdam, 'n voëlhok, en 'n teehuis in. Van historiese belang is die Dellville Wood-gedenktuin, wat die lewensverlies van duisende Suid-Afrikaanse soldate gedurende die Eerste Wêreldoorlog in Frankryk herdenk. Die Kompanjiestuin is 'n gewilde oord waar opvoedkundige en kulturele gebeurtenisse gehou word en staan ook bekend as 'n bestemming waar troufoto's geneem word.

Besienswaardighede in die Kompanjiestuin

'n Toneel in die Kompanjiestuin 'n Toneel in die Kompanjiestuin   'n Eekhoring in die Kompanjiestuin 'n Eekhoring in die Kompanjiestuin   Cecil John Rhodes se standbeeld in die Kompanjiestuin van Kaapstad Cecil John Rhodes se standbeeld in die Kompanjiestuin van Kaapstad   Slaweklokkie in die Kompanjiestuin Slaweklokkie in die Kompanjiestuin

Sien ook

• Cecil John Rhodes-standbeeld, in die sentrum van Kompanjiestuin
• Henry Lukin-standbeeld

Regs langs die Kompanjiestuin:

• Tuynhuys, ampswoning van die president van Suid-Afrika
• Parlement van Suid-Afrika

Nabygeleë:

• Nasionale Biblioteek van Suid-Afrika
• Hiddingh-kampus van die Universiteit van Kaapstad

Bibliografie

• Leverton, B.J.T.: The Company's gardens, Cape Town. In: Lantern. Tydskrif vir Kennis en Kultuur. Jaargang 33, nr. 2, April 1984

Eksterne skakels

• Wikimedia Commons het meer media in die kategorie Kompanjiestuin.

33°55′38.67″S 18°25′0.03″O / 33.9274083°S 18.4166750°O / -33.9274083; 18.4166750