Die term Romaanse taal verwys na die groot en wydverspreide familie van tale wat hulle oorsprong in die Latynse taal het

Die term Romaanse taal verwys na die groot en wydverspreide familie van tale, wat hulle oorsprong in die Latynse taal het. Latyn self word by die Italiese tale gereken. Daar is tans meer as 600 miljoen sprekers van Romaanse tale wêreldwyd, hoofsaaklik in Noord- en Suid-Amerika, Europa en Afrika.

Romaanse tale
Geografiese verspreiding:	wêreldwyd
Genetiese klassifikasie:	Indo-Europees Romaanse tale
Onderafdelings:	Galloromaans Retoromaans
Verspreiding van Romaanse tale en dialekte

Romaanse amps- en verkeerstale wêreldwyd:

Frans

Spaans

Portugees

Italiaans

Roemeens

Verspreiding van Romaanse tale in Europa

Die Romaanse tale het almal uit die Vulgêrlatynse omgangstaal van die soldate, setlaars en slawe van die Romeinse Ryk ontwikkel, wat in baie opsigte van die klassieke Latynse skryftaal van die Romeinse literati met sy fyn afgewerkte en soms kunsmatige grammatika verskil. Die omgangstaal in die Romeinse Ryk was deur 'n duidelik eenvoudiger verbuigingstelsel en sinsbou gekenmerk. Ook sy woordeskat wyk af van die klassieke Latyn. Vulgêr-Latyn het in die tydperk tussen 200 v.C. en 100 danksy die uitbreiding van die Romeinse magsgebied en die administratiewe en opvoedkundige beleid van die Romeinse owerhede die oorheersende taal in groot dele van Europa geword, en dit was in die antieke tydperk die verkeerstaal van 'n gebied, wat van die Iberiese Skiereiland in die weste tot by die Swart See in die ooste van Europa gestrek het.

Na die ondergang van die Romeinse Ryk het die plaaslike variante van Vulgêr-Latyn geleidelik tot tientalle selfstandige tale en dialekte ontwikkel. Die oorsese koloniale gebiede van Spanje, Portugal en Frankryk het die Romaanse taalgebied sedert die 15de eeu aansienlik vergroot, en tans woon twee derdes van alle Romaanstaliges buite Europa.

Die Romaanse dialekte en tale het in die loop van hulle geskiedenis onder die invloed van baie vreemde tale gestaan, nogtans is die Vulgêr-Latynse fonologie, morfologie, woordeskat en sinsbou grotendeels bewaar. Die Romaanse groep van tale beskik dus oor 'n aantal gemeenskaplike besonderhede, waarmee hulle duidelik van die ander taalgroepe in die Indo-Europese familie van tale onderskei kan word. Hulle het byvoorbeeld meesal die verbuigings van die klassieke Latyn verloor en in plaas daarvan 'n min of meer vaste woordvolgorde ontwikkel. Daarnaas maak hulle grootskaals gebruik van voorsetsels.

Die hooftale in die Romaanse groep is:

Voorbeelde

Persentasieverspreiding van moedertaalsprekers van elke Romaanse taal van die totale 690 miljoen (2007)

Latyn	Frans	Italiaans	Katalaans	Portugees	Roemeens	Spaans	Oksitaans	Afrikaans
annus	an	anno	any	ano	an	año	an	jaar
bonus	bon	buono	bon	bom	bun	bueno	bon	goed
decem	dix	dieci	deu	dez	zece	diez	dètz	tien
ego	je	io	jo	eu	eu	yo	ieu	ek
homo	homme	uomo	home	homem	om	hombre	òme	man
hora	heure	ora	hora	hora	oră	hora	ora	uur
solis	soleil	sole	sol	sol	soare	sol	solelh	son

Eksterne skakels

(en) "Ethnologue: Languages of the World, Seventeenth edition, Romance". Ethnologue. Besoek op 1 April 2018.
(en) "Romance languages". Encyclopædia Britannica. Besoek op 1 April 2018.
Kaart van die Romaanse tale Geargiveer 26 September 2009 op Wayback Machine

Indo-Europese tale: Kentum-tale: Italiese tale
	Oskies \| Umbries \| Faliskies \| Latyn
Romaanse tale
	Aragonees \| Asturies \| Galicies \| Katalaans \| Ladino \| Leonees \| Portugees \| Spaans
Galloromaans	: Frans \| Gallo \| Lorreins \| Normandies (Auregnais \| Guernésiais \| Jèrriais \| Sercquiais) Pikardies \| Champenois \| Waals \| Anglo-Normandies Oksitaans: Aranees \| Auvergnat \| Gaskons \| Languedokies \| Limousin \| Provensaals Frankoprovensaals
	Lombardies \| Monegaskies \| Piëmontees \| Venesiaans
Retoromaans	Romansch \| Ladinies \| Friulaans
	Dalmaties \| Italiaans \| Napolitaans
	Korsikaans \| Sardies (, , , ) \| Sisiliaans
	Aroemeens \| \| \| Roemeens
	Interlingua \| Interlingue \| Lingua Franca Nova

Indo-Europese tale: Kentum-tale: Italiese tale
	Oskies \| Umbries \| Faliskies \| Latyn
Romaanse tale
	Aragonees \| Asturies \| Galicies \| Katalaans \| Ladino \| Leonees \| Portugees \| Spaans
Galloromaans	: Frans \| Gallo \| Lorreins \| Normandies (Auregnais \| Guernésiais \| Jèrriais \| Sercquiais) Pikardies \| Champenois \| Waals \| Anglo-Normandies Oksitaans: Aranees \| Auvergnat \| Gaskons \| Languedokies \| Limousin \| Provensaals Frankoprovensaals
	Lombardies \| Monegaskies \| Piëmontees \| Venesiaans
Retoromaans	Romansch \| Ladinies \| Friulaans
	Dalmaties \| Italiaans \| Napolitaans
	Korsikaans \| Sardies (, , , ) \| Sisiliaans
	Aroemeens \| \| \| Roemeens
	Interlingua \| Interlingue \| Lingua Franca Nova