Robertson is n dorp in die Kaapse Wynland distriksmunisipaliteit van die provinsie Wes Kaap Suid Afrika met sowat 28 000

Robertson is 'n dorp in die Kaapse Wynland-distriksmunisipaliteit van die provinsie Wes-Kaap, Suid-Afrika met sowat 28 000 inwoners (indien die township Nkqubela ook ingereken word).

Robertson
Robertson in 1987
Robertson Robertson se ligging in Wes-Kaap
Koördinate: 33°48′S 19°53′O / 33.800°S 19.883°O / -33.800; 19.883
Land	Suid-Afrika
Provinsie	Wes-Kaap
Distrik	Kaapse Wynland
Munisipaliteit	Langeberg
Stigting	1853
Regering
• Vernoem na	William Robertson
Oppervlak
• Totaal	23,5 km² (9,1 vk. myl)
Hoogte	187 m (614 ft)
Bevolking (2011)
• Totaal	27 715
• Digtheid	1 179/km² (3 050/vk. myl)
Rasverdeling (2011)
• Wit mense	14.7%
• Indiërs/Asiërs	0.3%
• Bruin mense	60.8%
• Swart mense	23.2%
• Ander	1.0%
Taal (2011)
• Afrikaans	75.1%
• Xhosa	15.6%
• Engels	3.2%
• Sotho	2.2%
• Ander	3.9%
Poskode (strate)	6705
Skakelkode	023
Webwerf	Robertson

Geskiedenis

Die dorp het ontstaan toe die NG Kerk 'n gemeente gestig het in 1852. 'n Deel van die plaas Roode Zand is gekoop en die eerste erwe is in 1853 verkoop. Die dorp is vernoem na dr. William Robertson, een van die Skotse predikante wat deur goewerneur lord Charles Somerset na Suid-Afrika gebring is om die tekort aan Hollandse predikante aan te vul maar veral om die Afrikanerbevolking te verengels.

Wapens

Munisipaliteit — Robertson se munisipale raad het in 1913 'n wapen aangeneem: In silwer, 'n geblaarde druiwetros van natuurlike kleur, in die skildvoet vergesel van vier versmalde golwende dwarsbalke van blou en op 'n rooi skildhoof drie afgerukte wolwekoppe van silwer. Die helmteken was 'n regterhand wat 'n kroon vashou; die skildhouers was 'n skimmelperd en 'n volstruis; en die wapenspreuk was "Boutez en avant". Die wapen is in 1974 by die Buro vir Heraldiek geregistreer.

Nkqubela — Die Swart woongebied Nkqubela het oor sy eie plaaslike owerheid beskik van 1982 tot 1996. Die dorpskomitee het in 1989 'n wapen by die Buro vir Heraldiek geregistreer: Kepersgewys verdeel, rooi en blou, 'n keper, die piek gepylpunt, alles silwer. Die helmteken was 'n blou muurkroon en die wapenspreuk "Bambanani".

Omgewing en ekonomiese aktiwiteite

Danksy sy ligging in die vrugbare Robertsonvallei is landbou nog steeds die steunpilaar in die plaaslike ekonomie. Vroeër het die dorp ook bekend gestaan vir sy wamakery, tog het die spoorweë ná die einde van die Tweede Vryheidsoorlog die vervoersektor begin oorheers en ossewaens heeltemal verdring. Ook die volstruisteelt is weens 'n ekonomiese krisis in dié bedryf ná die einde van die Eerste Wêreldoorlog gestaak. Die boere in die omgewing het hulle vervolgens op die verbouing van wyn en vrugte en die teel van renperde toegespits. Die plaaslike wynbedryf staan lank reeds bekend vir sy goeie brandewyn en muskaatwyn.

Die dienstesektor, veral toerisme, speel 'n steeds belangriker rol op Robertson.

Sien ook

Lys van dorpe in Suid-Afrika
NG gemeente Robertson

Bron

Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.

Verwysings

"Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 6 April 2016.
Som van die hoofplekke Robertson en Nkqubela Sensus 2011.
National Archives of South Africa : Data of the Bureau of Heraldry.

Eksterne skakels

Die amptelike webwerf vir voornemende toeriste Geargiveer 21 Mei 2006 op Wayback Machine

	Provinsie Wes-Kaap
Hoofstad:	Kaapstad
Streke:	Kaapse Skiereiland \| Kaapse Wynlande \| Sentraal Karoo \| Overberg \| Tuinroete \| Weskus
Grootste stede en dorpe:	Kaapstad \| George \| Mosselbaai \| Knysna \| Oudtshoorn \| Paarl \| Robertson \| Stellenbosch \| Swellendam \| Vredenburg \| Worcester
Munisipaliteite:	Beaufort-Wes \| Bergrivier \| Bitou \| Breedevallei \| Kaap Agulhas \| Cederberg \| Drakenstein \| George \| Hessequa \| Kaapstad \| Kannaland \| Knysna \| Laingsburg \| Langeberg \| Matzikama \| Mosselbaai \| Oudtshoorn \| Overberg \| Overstrand \| Prins Albert \| Saldanhabaai \| Sentraal Karoo \| Stellenbosch \| Swartland \| Swellendam \| Theewaterskloof \| Tuinroete \| Weskus \| Witzenberg

[established-1] "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 6 April 2016.

[census2011-2] Som van die hoofplekke Robertson en Nkqubela Sensus 2011.

[bvh-3] National Archives of South Africa : Data of the Bureau of Heraldry.