Die Vrye Hansestad Bremen Duits Freie Hansestadt Bremen Nederduits Free Hansestadt Bremen is die kleinste van Duitsland

Die Vrye Hansestad Bremen (Duits: Freie Hansestadt Bremen; Nederduits: Free Hansestadt Bremen) is die kleinste van Duitsland se sestien deelstate met 'n oppervlakte van 419,38 vierkante kilometer en 'n bevolking van 684 864 (soos op 31 Desember 2022). In administratiewe opsig bestaan die deelstaat net uit die twee stede Bremen en Bremerhaven, wat sowat 60 km van mekaar af lê en twee enklawes in die deelstaat Nedersakse vorm. Die stad Bremen lê aan die Weserrivier, Bremerhaven by sy monding in die Noordsee. So is die Vrye Hansestad Bremen die enigste van Duitsland se sestien deelstate wat nie or 'n samehangende staatsgebied beskik nie.

Freie Hansestadt Bremen
Free Hansestadt Bremen
Vrye Hansestad Bremen
Landsvlag	Landswapen

()	()
Leuse
„Buten un binnen – wagen un winnen“ („Buite en binne – waag en win“) Inskrif oor die portaal van die Schütting Leuse van die Breemse koopmans
Basiese gegewens
Ampstaal:	Duits (Nederduits as erkende minderheidstaal)
Hoofstad:	Bremen
Stigting:	21 Januarie 1947
Oppervlakte:	419,38 km² (16de)
Bevolking:	684 864(16de) (31 Desember 2022)
Bevolkingsdigtheid:	1 633 inwoners / km² (3de)
Volkslied (Landeshymne):	Der Bremer Schlüssel
BBP - Totaal - % Verandering teenoor vorige jaar	2022 38,698 miljard € 9,2%
Skuldlas per inwoner: :	52 765 € (30 Junie 2023)
Totale skuldlas:	36,137 miljard €(30 Junie 2022)
Werkloosheidsyfer:	10,6%(Junie 2023)
ISO 3166-2:	`DE-HB`
Amptelike webwerf:	www.bremen.de
Politiek
President van die Senaat:	Andreas Bovenschulte (SPD)
Regerende party:	SPD, (Bündnis 90/Die Grünen) en Die Linke
Setels in die parlement (Bürgerschaft) (87 setels) (2019: 84 setels):	SPD 27 (2019: 23) CDU 24 (24) Bündnis 90/Die Grünen 11 (16) Die Linke 10 (10) FDP 5 (5) BIW 10 (1)
Laaste verkiesing:	14 Mei 2023
Volgende verkiesing:	Mei 2027
Parlementêre verteenwoordiging
Stemme in die Federale Raad (Bundesrat):	3 (van 69)
Kaart

Politieke struktuur

Algemene oorsig

Administratiewe kaart van die Vrye Hansestad Bremen, bestaande uit die twee stede Bremen en Bremerhaven, omring deur Nedersakse

Bremen se parlement, die *Haus der Bürgerschaft*

Volgens Bremen se grondwet dra die Breemse deelstaat die amptelike naam "Freie Hansestadt Bremen". Volgens die grondwet staan die Breemse staat by demokrasie, sosiale geregtigheid, vryheid, omgewingsbewaring, vrede en wedersydse begrip en vriendskap tussen die nasies. Alle mag gaan van die mense uit.

Wetgewende vergadering

Die 'Bürgerschaft' of parlement met 83 afgevaardigdes word elke vier jaar lede in die kiesafdelings Bremen en Bremerhaven. In 'n beperkte mate word daar in die Breemse grondwet ook voorsiening gemaak vir volkstemmings. 66 van die 67 afgevaardigdes, wat in die munisipale verkiesings van die stad Bremen verkies word, is ook afgevaardigdes van die 'Bürgerschaft'. Die stad Bremerhaven het ook 'n eie parlement en burgemeester.

Uitvoerende gesag

Die Breemse Senaat dien as die uitvoerende gesag. Die senatore word deur die 'Bürgerschaft' met die meerderheid van die uitgebragte stemme vir dieselfde ampstermyn soos die 'Bürgerschaft' verkies. Daar kan ook 'n aantal van staatsrade verkies word, maar hulle aantal mag nie meer as 'n derde deel van die aantal van die senators beloop nie. In vergelyking met die ander Duitse deelstate se regerings is die Breemse Senaat in sy geheel regstreeks aan die parlement verantwoordelik, en die Breemse burgemeester geniet in vergelyk met die ander senatore geen voorregte nie. Die senators kan nie tewens lede van die 'Bürgerschaft' wees nie.

Regspraak

Die regterlike mag word deur onafhanklike regters uitgeoefen. Die lede van die geregshowe word deur 'n kommissie verkies, wat uit drie lede van die Senaat, vyf lede van die 'Bürgerschaft' en drie regters bestaan.

Die Breemse staatsgeregshof lewer uitsprake oor grondwetlike sake. Die staatsgeregshof bestaan uit die president van die hoogste administratiewe gereg (of sy adjunk) en ses verkose lede, waarvan twee Breemse regters moet wees.

Verwysings

(de) Carl V. Scholz (Übers.): Landesverfaten vun de Free Hansestadt Bremen Geargiveer 24 September 2015 op Wayback Machine. Bremische Bürgerschaft, Schuster Leer, Bremen 2004. ISBN 3-7963-0362-5
(de) "Bevölkerungsentwicklung 2022 im Land Bremen" (PDF). Statistisches Landesamt Bremen. 1 Junie 2023. Besoek op 30 Junie 2023.
(de) "Bruttoinlandsprodukt von Bremen von 1970 bis 2022". Statista. 19 April 2023. Besoek op 30 Junie 2023.
(de) "Vorläufiger Schuldenstand der Länder". Destatis. 30 Junie 2020. Besoek op 30 Junie 2023.
(de) "Arbeitslosenquoten im Juni 2023 – Länder und Kreise". Statistik der Bundesagentur für Arbeit. Junie 2023. Besoek op 30 Junie 2023.

Eksterne skakels

Wikimedia Commons het meer media in die kategorie Vrye Hansestad Bremen.
(de) Amptelike webwerf

Deelstate van Duitsland
Baden-Württemberg \| Beiere \| Berlyn \| Brandenburg \| Bremen \| Hamburg \| Hesse \| Mecklenburg-Voorpommere \| Nedersakse \| Noordryn-Wesfale \| Rynland-Palts \| Saarland \| Sakse \| Sakse-Anhalt \| Sleeswyk-Holstein \| Thüringen Voormalige deelstate Baden \| Wes-Berlyn (de facto) \| Württemberg-Baden \| Württemberg-Hohenzollern

[1] (de) Carl V. Scholz (Übers.): Landesverfaten vun de Free Hansestadt Bremen Geargiveer 24 September 2015 op Wayback Machine. Bremische Bürgerschaft, Schuster Leer, Bremen 2004. ISBN 3-7963-0362-5

[2] (de) "Bevölkerungsentwicklung 2022 im Land Bremen" (PDF). Statistisches Landesamt Bremen. 1 Junie 2023. Besoek op 30 Junie 2023.

[3] (de) "Bruttoinlandsprodukt von Bremen von 1970 bis 2022". Statista. 19 April 2023. Besoek op 30 Junie 2023.

[4] (de) "Vorläufiger Schuldenstand der Länder". Destatis. 30 Junie 2020. Besoek op 30 Junie 2023.

[5] (de) "Arbeitslosenquoten im Juni 2023 – Länder und Kreise". Statistik der Bundesagentur für Arbeit. Junie 2023. Besoek op 30 Junie 2023.